ليس لك من الأمر شيء "علية حسن الهضيبي"
في صلاة الجنازة على السيدة علية الهضيبي حصل معايا ظرف كل ما افتكره أتعجب من نفسي فعلا! {ليس لك من الأمر شيء} دخلت المسجد وسألت بنت خالتي زينب "زوجة حفيد السيدة آمنة الهضيبي، شقيقة السيدة علية" هي فين سلوى " ابنة السيدة علية" قالتلي : قدام قلتلها سبحان الله كان نفسنا نتعرف وجها لوجه وقت ولادة عمر وعلي"ابناء زينب" قالتلي هي أول صف.. فاندفعت بصورة مضحكة أسأل فين سلوى فين سلوى والناس تشاورلي اهي اهي.. لحد ما حد قالي اهي . بصيت ليها وقلتلها انت مش عرفاني؟! ردت بكل تلقائية: لأ مش عرفاك ، ما انت مش عرفاني برضو/: قلتلها انا سمية مقلد وعظم الله أجرك . كأن مثلا مينفعش أعزيها من غير ما تعرفني شخصيا/: قالتلي باستغراب شكر الله سعيكم لسان حالها المجانين في نعيم. في العزاء عاتبتني سلوى قائلة: عرفتيني خلاص؟! كنت هبكي والله، عرفتك ياسلوى وانت مش عارفة نفسك من ألم فقد الأم. سامحيني ياسلوى. لحد الآن مش عارفة ليه عملت كده /: ألا ليت الحزن يحزن مرة فيعرف ماذا كان بالناس يصنع