انا مش نخبة ..الحمد لله
أنا قلت نعم للاستفتاء..ايوه قلت نعم ..وقعدت اقنع كل الي اشوفه بوجهة نظري عشان يقول نعم ..واتناقشت انا وماما ربنا يخليهالي يارب على نعم ولا لا..وقررنا ننزل نقول نعم واظن كل اقاربي ..وحبايبي وجيراني اللي بعضهم 0نخبة ..(بيلبسوا جينز ونظارات شمس كبيره)قالوا نعم ..دا حتى لما دخلت اللجنة ودخلت شوفت القاضي قاعد بكل اناقه ..بيراقب العملية اديتهم بطاقتي ورحت اصوت ..(على فكرة.الصويت حرام.لكن التصويت لاشيئ فيه).المهم فتحت الورقه نعم ..لونها اخضر وجميل ..ولا ..سودا ومهببه ..(وزعموا ان الناس قالوا نعم عشان بيحبوا اللون الاخضر..والله واحد منهم رفع قضية عشان كده!!مش نخبة بقى )..آه والله بحب اللون الاخضر..الوحيدة الّي أعرفها قالت لا..هي جارتي بتاعه ..حبت تعمل نفسها نخبه ..وبعد اللاستفتاء سألتني :انت قولت لا ولا نعم ..انا قولت دي بتختبر ثقافتي لو قلتها قلت نعم ..هتقول علي ثقافتي يوك ..فكرت قولت اسألها انت قولتي ايه ؟قالت طبعا قلت لاء..قلتلها ليه ؟ قالتلي بكل صراحة ..عشان بعض الناس (انتوا عارفينهم) قالوا نعم ..بس كده يافتكات.!!...الله ينور عليكم كلكم قلتي لاء عشان العند ؟؟!!وبعد كده يقولك نخبة نخبة ايه يانكبة ..على اي اساس نخبة مش عارفه..مع ان نخبة دي مؤخوذه من الانتخاب ..وهّماعايزين يأخرولنا الانتخابات..غالبا خايفين ننتخب نخبة غيرهم..ولاّ احنا اتعودنا ان الاقليات دايما تبقى نخبة ..حبايبنا كل مايتزنقوا في بناء اي حاجة او تجديدها على حساب الدوله الخاص يفتعلوا مشكله ويكسروا في المبنى القديم ..وهوبا اتحرق ..ويروحوا عند ماسبيروا يعتصموا ولازم تبنوا المبنى!!!!!!!!!!!!!!!!خطة والله ..كل واحد عنده بيت آيل للسقوط يولع فيه ويروح يعتصم في ماسبيروا ...نخبتونا الله ينخبكم زيادة وزيادة.&&&&هرجع تاني واقول انا قولت نعم ..نعم ياحبيبي ..نعم ..حد عنده اعتراض؟؟حد مش عاجبه؟؟حاجه عجيبة والله...كل واحد دلوقتي يشوف حد يعوز يشوف سخافته ..قصدي ثقافته :يسأله انت قولت لا..ولاّ نعم ..ياعم روح كده ..وجعتوا دماغنا ومحسسنا انكوم انتوا اللي بتفهموا ودايرين على كل القنوات تغنوا ظلموه..وتكتبوا في الجرايد والمجلات ..اضاعوني وأي فتى اضاعوا؟؟الله يهدكم..قصدي يهديكوا ..مش عايزين الشعب يفرح بحاجه خالص..كل مايقرب يفرح تدوشونا بأي نكبه سلاما..سلامي..سلامو
ليست هناك تعليقات:
إرسال تعليق