أنا بخلص بشدة للي بحبهم.. براعي شعورهم.. بقدر كبير بعمل حساب لأي تصرف.. أو كلام ممكن يجرح إلي بحبه.. بحاول أفهم غلطه في انه من غير قصد.. أو إني حساسة زيادة عن اللزوم.. بعدها مبقدرش أسامح ..
ليه الناس متصورة ان ليهم حق يظلموك وانت لأ ... يأذوك وانت تصفح.. يزعلكوك وانت تحتويهم .
انا غالبا مش ببدأ بالغلط..
في حياتي مش فاكرة إني بدأت باللغلط مع أي إنسان.. لكن لما بيغلط مرة واتنين ويتكرر غلطه.. وأحس انه مدي لنفسه حق الغلط في وبيستبيح مشاعري.. برد بقسوة .
للاسف بتكون قسوة شديدة.. بفهم الي قدامي إن الغلط أسهل شيء في الدنيا .
بجرح جامد جدا.. بيوصلي ان الي قدامي مشاعري مش فارقة معاه.. فبحزن على كل مشاعري الي كانت ليه .
للمرة الألف أتحدث عن علاقة الإنسان بالإنسان.. مش بحصرها في علاقة الراجل بالست.. مع كل الناس ماعدا أولادي.. يمكن لو كبروا أولادي برضوا وبلغوا سن الإدراك هيبقى دا رد فعلي معاهم.. مش عارفه .
