في عالم أرحب

وينفرط عقد القوالب والتقولب 

في عالم أرحب 

الكل فيه ذو رأي يحتمل الخطأ والصواب 

أهلا بالانطلاق.. أهلا برحابة العقول في صالح البناء 

في النهاية 

وان الى ربك الرجعى 

وفي البداية .

إنسان.. شعري

ولا قلت أنا شيخ ولا بتحنجل

أنا واحد إنسان مش أكتر

طبع الطين ساعة يغلب 

وفي ساعة النور يتغلب  

#شعري الحلمنتيشي

خواطر في المِحنة

كان ربنا قادر انه دايما  ينصر المصلحين ويرزقهم الدنيا ويمكنهم منها.. لكنه سبحانه وتعالى لا يفعل هذا لنعلم أن الدنيا لا تساوي عنده سبحانه جناح بعوضة.. ولو كانت هكذا لما سقى منها كافر شربة ماء .

 وليختبر تعالى  الناس صمودهم على للحق..  أم لأجل المكاسب والنعيم..

والتمكين .

 الدنيا دار امتحان وبلاء.. والنجاح فيها أن تظل مستمسكا بالحق.. تصدح به في وجه الطغاة.. حتى تلقى الله.. فتنتقل لدنياك الباقية.. وقد نجحت في الامتحان . 

ومع هذا وردت آيات كثيرة تبشر بالنصر في الحياة الدنيا.. ويوم يقوم الأشهاد.. لّذين ءامنوا وعملوا الصالحات .

ووالله إن النصر في الدنيا هو الثبات على الحق حتى نلقى الله عليه..

وفي الأخرة نعيم مقيم.. وجنة رحبة.. عرضها السموات والارض 

اللهم ثباتا ونصرا وجنة عرضها السموات والارض مع النبيين والصديقين والشهداء والصالحين وحسن أولئك رفيقا .

ملاحظات على موضوع الحجاب

من عجائب الأمور أنه مع دعوات خلع الحجاب من الرموز العلمانية ، انطلقت نفس الدعوة من بعض الفضليات والفضلاء.. أن اخلعوا الحجاب.. ونظفوا صف المحجبات من الادعياء.. ممن يغطون رؤوسهم ويزعمون أنهن محجبات! 

وكأن من اتى بعض الفضيلة من مكارم الأمور علينا أن نامره أن يأت الطاعة على وجهها أو ينفك من الفضيلة !

هبوا أنهن متمسكات بغطاء الرأس حياء.. أو مجاهدة لأنفسهن على الحجاب .

فكيف على دعوتهن كشف رؤوسهن بدعوى أنهن مدعيات.. يشوهن صف المحجبات.. 

 إن من المحجبات ظاهرا كما قال الشرع الحنيف بل من المنتقبات من تسيء لدين الله أضعافا مضاعفة.. بل هذا هو الأدعى لأنها بحجابها الذي تراه كاملا.. ويراه الناس الأوفر.. يجعل الناس ينسبون تصرفاتهن لدين الله.. ودين الله منها براء .

فلندعوا إذا إلى أن تنزع الحجاب من تكذب.. ومن تخدع.. ومن تغش.. ومن تخلف الوعد.. ومن إذا خاصمت فجرت.. فهذه صفات المنافقين..

ومن تتدخل فيما لا يعنيها.. ومن تتتبع شئون الآخرين.. ومن تتجسس.. ومن لا تهتم بنظافتها ولا نظافة ثوبها "اتحدث عن النظافة لا التزين " فإنها تشوه المحجبات.. بأبشع مايمكن .

اللهم عافني واهدني وارزقني واجبرني .

 مدركة أنا  أن كثير من المحجبات حجابهن ناقص.. وبعض المحجبات أخلاقهن ليست كما ينبغي.. كأي مجموعة بشرية تجاهد نفسها في جانب.. وجانب مقصرة فيه وكلنا مقصرون . 

لكن يظل هناك بنات محترمات جدا ومهذبات لكنهن لم ترتدين الحجاب.. وشخصيا اعرف منهن عددا لا بأس به .

دعوتي امبارح الي بعض اخواتي  اعترضوا عليها كانت تخصهم 

قلت دعوة لبنات مصر "المحترمات" وقطعا  كلنا عارفين ان مش كل بنات مصر محترمات كلامي موجه للمحترمات

دعوة للحجاب تزامنا مع دعوة علمانيات مصر لخلعه

دعوة لبنات مصر المحترمات.. البسي الحجاب..والحجاب على فكرة مش من شروطه يكون منظره مبهدل.. 

البسي الحجاب الي يغطي شعرك وهتبقي زي الجوهره في الحرير

المحترمين الي نازلين يتظاهروا ويشيلوا حجابهم وبعضهم بيقول عندا في الاخوان ، ليه بتحصروا الفضيلة على الاخوان ؟! 

وبعدين بترجعوا تعيطوا وتقولوا الشعب بيحترم الاخوان ويختارهم ليه😒

الشعب عامته مسلم محب لدينه وتعاليم دينه وللفضيله حتى لو  بعضهم مش قادر يتبع سنة الرسول ، بلاش عند مع المجتمع .

مرة واحدة افهموا المجتمع صح، وسيبكم من المنبطحين الي عندهم احتقار لذواتهم.. وبيطلعوه في صورة احتقار أي فضيلة أو تعاليم للدين.. وأخلاق المجتمع المسلم .

اكلت ساندويتش شعري

اكلت سندوتش

ركبت البسكلت

وشفت واحدة ست

فقلت ليه سكت 

وكنت ناوية اقول

 ولكن راح يطول 

وعندي في السكات 

كلام لكن زهقت 

انا اصلا كنت هبقى شاعرة بس ابويا الله يرحمه قالي الشعر دا للناس الفاضية

عن دكتورة هبة رؤوف

الدكتورة هبة وغيرهم أنا شخصيا كنت شايفة انهم بينتقدوا أخطاء الإخوان الي كانت أحد أسباب الإنقلاب.. الي يقول كان هيحصل إنقلاب كدا كدا معاك حق.. لكن كان في أخطاء.. وهي كانت شايفة إن أي تجربة عشان تنجح لازم يبقى في حد بينتقد الغلط فيها.. ويصحصح المسؤلين.. من إختيار أعضاء الشورى.. للدستور.. لموظفين في الرئاسة.. وغيره وغيره.. الي كتير منهم مكنش عنده لا الخبرة.. ولا المضمون ولا الشكل.. هتقولي شكل ايه ؟! هقولك المظهر الخارجي.. اقرأ السيرة واتعلم يعني إيه الرسول عليه الصلاة والسلام يعد جبة معينة لاستقبال الملوك الكفرة.. يعني لما يختار سفير يختار سيدنا مصعب رضي الله عنه  سيد شباب مكة وقريش .

يبقى كان  لازم نحسن من يمثلوا مصر في هذة المؤسسات .

 هي لاعمرها وقفت ضد الإخوان ولا ضد الدكتور مرسي.. كانت بتنتقد الي شيفاه مودينا في سكة غلط..

 لما وقعت الفاس في الراس فضلت تسكت.. وتشوف وراها ايه.. 

هتقول ايه؟ الي يتقال اتقال خلاص ومحدش سمعه .

 فضلت عدم الكتابة على صفحتها.. لكن دا لا يعني انها توقفت عن دعم الحق.. وانتقاد الغلط.. بالأمس حين تعرض بعض الشباب للقمع ذهبت الى القسم الي اتوقفوا فيه بكل شجاعة ودافعت عنهم..حاجة ميعملهاش ناس كتير بيدعوا البطولة .

حيرة

كتير بيكون جواك خير وسلام داخلي مع نفسك والدنيا.. لحد ماتقابل في سكتك ناس كارهه نفسها ومتخاصمة مع ذاتها.. وهوايتها العكننة على غيرها..بيعكننوا على غيرهم وبعدها يمثلوا انهم

 منشرحي الصدر وعايشين في سلام ونجاح ..

طيب ماحنا عارفين انكم كارهين لانفسكم أولا.. عندكم كلاكيع.

شخصيا أعرف شخصيات كتير كانت البسمة مش بتفارق وشهم.. بعد اختلاطهم بناس جديدة بعد فترة.. تلاقي الأسى على وشهم.. أسى من إن جواهم خير اتقابل بصد أو بشر أو غباء.. استلزم منهم انهم بعد فترة يردوا عليه.. ماهو مش هيفضلوا طول عمرهم متسامحين !

غريب قوي الانسان الي يبقى كاره لنفسه ومعقدها.. وميحسش انه أدى مهمته الا لما ينكد على غيره.. أو يمارس عليه محاولات قهر بتفشل لأن الي قدامه حر..وبيرفض القهر.. لكن بيحزن انه مضطر يقابل الشخصيات دي.. وبيتصدم ان في ناس عقليتها كدا . 

جواها دكتاتور بشع مريض ومعقد .

ريحانة جباري

-  اليوم  السبت  محرم 1436 هجري

&25اكتوبر2014ميلادي  أُعدمت ريحانة جباري الإيرانية  ، وذلك لأنها قتلت ظابطا مخابراتياً دفاعاً عن شرفها      

رحمة الله وبركاته على الأحرار

وسلام على الأطهار في كل مكان..

موعدنا جنة علوية بإذن الله ، بعيدا عن انحطاط هذه الدنيا. 

مجرم

مجرم بشع هذا الذي يشعر بضعفك فيستغله أي استغلال.. حتى ولو بالتقرب منك..ومواستك "وليس من حقه"

علينا أن نحترم أحزان البشر ، ونصمت في جلال الألم ،

قد نبوح ببعض ما يحزننا ، من أجل البوح وفقط ، لا لنتسول ..

لا بأس ان ندعوا سراً لبعضنا البعض .

ياقدس انا قادمون

https://www.youtube.com/watch?v=Ui--I7I4fSo

لازم تتفرجوا على الفيديو دا ،وتوروه لاولادكم ،،،،متنسوش تفرجوه للعيال المهزوزة المنبطحة ،ولا اقولكم خسارة فيهم والله،،،البنت الصغيرة بتقوله مش عايزة عيش بشار لانه قاتل ويهودي، ومش هناكل الا لما كلنا ننتصر ،ونصبر وربنا احسن من الكل ،وانا باكل خبز عدس،،،،المذيع بيقولها بس المشايخ قالوا بشار كويس ولازم نعمل هدنة عشان نرجع ناكل ونعيش،قالتله دول مشايخ مجاذيب 

البنت غالبا متعدتش٦ سنين،،،المذيع بيقولها بشار دلوقتي شر،قالتله شر مش معقول 

اتفرجوا على الفيديو وفرجوا للي بتحبوهم 

جرعة امل ويقين،،بنت بطلة ،قوية، متهزتش وهي طفلة ،ولا قالت ليه كدا ،واحنا متنا وجعنا، البنت شيء جميل بجد ،صمود مخيف لكل الخونة،،البنت كلامها صفعني شخصياً مع اني كنت بفتكر نفسي قوية ،لكن انا مشوفتش عشر الي هي شافته،،

ياقدس انا قادمون 😊

ثورتنا ليه فشلت

عارفين.. الي ضيع مصر مش اهل الفساد القذرين الي ظاهر فسادهم.. دول اعداء ظاهرين .

الي ضيع مصر رموز مصر الي سكتوا وباعوا وادعوا الشرف وهم كتير.. رموز مصر الي نسيوا الشعب الي عايش في الترب.. وقعدوا ينظروا على الشعب في الإعلام .. ويعملوا ندوات

وناس في النص لا هما رموز ولا هما في الترب.. زيينا كدا.. قالوا احنا مالنا 

طالما في رموز.. الرموز دي هتحل مشاكلنا وتشوف امورنا

وناس عايشة في الترب بتشرب مجاري.. ومعندهاش مانع انها تفضل كدا لحد ماتموت !

 في اقذر من الاصناف الي فاتت بقى.. الي بيبيع نفسه للي يدفع اكتر.. ويفضلوا يشمشموا على الي بيدفع اكثر.. ويشتغلوا ليه مطبلاتيه وهتيفه .

 كوووووول دول معرفوش يحافظوا على مصر.. بقت مستنقع فساد ودعارة ودمار

 لما حب الشباب يثوروا عشان يطهروها وصرخوا حافظوا على مصر .

أنا حتى بدات اعذر الناس الي كفرت بالاخوان.. الاخوان اشتغلوا بوجوه  ذكرت الشعب بعهد الفساد..  كان لازم يجيبوا وجوه جديدة.. الشعب بعد الثورة كان جاب اخره خلاص.. واهل الفساد استغلوها فرصة😡

بعد ثورة كان لازم نشوف وجوه جديدة شابة كلها ثورة..الكبار اخطأوا التقدير جداً.. الشباب الي زي الفل سابوه يكتب على  مواقع التواصل وهما الي في الصدارة

وهما الناس كانت كفرت بيهم وبيعتبروهم جزء من نظام الفساد.. او رأوهم اعجز من مواجهة الفساد لماذا يبقى هيصطفوا وراهم ازاي ؟

بعد ثورة كان لازم يبقى مفيش خجل في محاربة الفساد.. بل قوة وشراسة في محاربة الفساد.. شراسة بمعنى الكلمة

لكن الكبار زي ما قالوا بلاش محاكمات ثورية.. عشان الاموال المهربة!

  بلاش شراسة في محاربة الفساد.. عشان 

مؤسسات الدولة هتقع !

 الحل حالياً مواصلة نضالنا  يانعيش احراراً.. يانموت بكرامتنا

مابعد الانقلاب

على فكرة فساد النظام لما بيحكم بيقدم نماذج فاسدة من كل التيارات ،،مع في كل التيارات محترمين افاضل 

حسن الشرقاوي يساري محترم لكن هو هيحاول يصبغة بصبغة اسلامية عشان يسهل حربه،،

النظام الفاسد  هيقدم من الاسلاميين حزب امن الدولة ، ويقدم من اليساريين منى مينا ويقدم من كل تيار ،من يضمن انهم متعاونون في فساده ،يسهل شراءها،،الاستاذ سيف الدين عبد الفتاح مثال  اخر،،ولو دورنا هنلاقي اسامي كتير ،لكن غالبا النظام بيحاول ابعادها وتشويهها

فساد النظام وزمرته ولو ادعوا انهم ضده وانهم ثورييون، يحاولون الصاق اي محترم بارز لمن يسعون لحربهم(الاصلاحيين)ليسهل سحقه مع التيار الاصلاحي

صراع حيزبونات الاعلام والنظام الفاسد مع اي محترم حتى لو مش محسوب على الاسلاميين ومحاولة الباسه ثوب الاسلاميين الاصلاحيين ،لان الاعلام بيحارب الاصلاحيين،،طريقة قمة في الخسة والمكر ،عشان زي ما بيقولوا يتاخد في الرجلين ،هما مش هيقدروا يحاربوه زي ما الاعلام بيحارب الاصلاحيين ،يبقى نقول انه منهم

في كل مجموعة او تيار او توجهه في مصر هنلاقي ناس محترمة ،ولم يبيعوا ذممهم ولم ينافقوا او يتملقوا

 وفي كل تيار وكل مجموعة هنلاقي الي اول ما يشوف سلطة جديدة يعرض نفسه للبيع ،ويقبل الايادي بطريقة سمجة ،واول ما يحس ان البساط بيتسحب يعمل ضدهم

 وما بين الناس الي بتشتغل شغل الخداميين منافقي القوة والسطلة، ومابين ناس ابطال بيحترموا ذواتهم ،هنلاقي ناس مهتزة زي المجند كدا(((:

 اجمل شيء في الانقلاب انه عرى النفوس تماماً،عرفنا مين خسيس الاصل ،ومين الجبان ومين البطل، ومين المهتز،،الانقلاب اجدع مصفى ،لو كنا قعدنا سنين عشان نكشف خبايا النفوس مكناش هنقدر بهذه البراعة