للصبر حدود

والله أنا بصبر على بعض صفات الناس.. بصبر.. وبتجاوز وبشتري.. وأكبر..واديك برستيجك واكتر كمان من برستيجك.. 

 لكن لما بقلب وأقرر ان دا بيتملعن.. وبيتنطط ولا بتفرق معايا كان بالنسبالي ايه بقى..

 هتتنطط كتير يبقى سلام.. مش حمل تنطيط أنا.. أنا ست دمي حامي وأحب أقعد في هدووووء كده وروقان لما مايكونش في سبب للشعننة.. وبحترم الي قدامي واكبر وامجد زي ماقلت.. لكن هتتعوج يبقى طزززززز ومش عايزة اقول غوووور كمان☹️

⛔️⛔️لازم أقول ان هذا البوست لا يتحدث عن علاقة بعينها عشان الي عندهم الجواز هو العلاقة الوحيدة في حياتهم.. فتتبسطي يبقى بسبب جوزك.. هتتنرفزي يبقى جوزك.. هتكتبي يبقى عن جوزك🚻

لا.. أصحوا وبصوا حواليكم.. في أخوات وأصحاب وزملاء وجيران وغيره وغيره. 

يلا.. تصبحوا على ماتتمنونه لغيركم🥰

ومضة

وانه من الغباء والتحجر "في نظري" أن تصر أن تكون تحت عباءة ضيقة.. وبوسعك أن تنطلق إلى الأفق الرحب فتسمع الناس ويسمعونك وتألفهم ويألفونك.. ولو كانت العباءة الضيقة جميلة لا يشوبها شيء.

مواقف مضحكة

النهاردة قابلت دكتوري في الجامعة.. وهو عرفني ابتسم ابتسامه مهذبة بقالي اكتر من عشرين سنة أكيد السن غيرني

واأهلااااان يادكتور بصلي لسه هيسلم لقيت عيون نسائي بتبصلي من فوق لتحت🫡🫡 اتاريها زوجته كانت معيدة عندنا😎.

طبعا عملت نفسي كنت بنده عليها هي.. وسلمت عليها وقلتلها حضرتك وحشتينا جداااا😁😁

 والراجل ياعيني كاتم ضحكة وانا عملت نفسي مش فكراه😎

من المخطيء

العين حق.. وبعض الناس إن راك أفقت وعدت إلى طبيعتك أصفر ومرض.. ونظر وعبس.. وبسر.. ولا يهدأ حتى تزول عنك النعمة.. أو ترحل المنحة.

  لكن هل هذا يضرك أنت

أم يضره؟ 

يضرك دنيويا وربما أدخلك قبرك.. لكنه يمحق حسناته محقا.. يأكلها كما تأكل النار العشب.

هل هو مخطيء أم أنت؟

هو سيء الأدب مع الله لأنه يتألم من عطاء الله لغيره من عبيد الله.. لكنك مخطيء إذ لم تحصن نفسك.