أحمد ويحيى جايين يحكولي قصة الراجل والست الي انكشف سرهم على الملاء وهما في حفلة على الهوا،
قلتلهم أنتم بكرة هتبقوا بإذن الله أزواج.
وعايزة اقولكم الست دي زوجها غبي ، والراجل ده هو غبي، بعيدا عن الإثنين بيعملوا مايغضب الله، قالولي يعني في الناحيتين الرجال غبي😎
قلتلهم ايوا بنسبة
90%
لان الست غالبا مخلصة بفطرتها حتى لو كافرة والدليل هند بنت عتبة أو تفعل الحرة
الرجل بفطرته متعدد العلاقات بل يحل له من النساء الحرائر أربعة وغيرهن جواري، فالست دي لو زوجها بيكفيها جوانبها كلها عمرها عقليا ونفسيا ماتفكر في غيره مجرد تفكير مش هتوصل لاي مرحلة من مراحل العلاقة، والراجل ده غبي لأنه غالبا سايب زوجته في البيت محرومة من لطفه وبيدي ده لست محرمه عليه بالشرائع كلها.
قالولي إيه رايك ياماما ان فلان "ذكروا اسم "" قال إن رأس الشر ست،
قلتلهم دا غبي برضو، ورأس الشر الهوى والشيطان والأتنين دول مش ستات ولا رجالة ، وأنا بقولكم كده عشان أنا أمكم وعشان تبقوا عارفين ده لما تبقوا أزواج بإذن الله.
ليست هناك تعليقات:
إرسال تعليق